Коронавирустан сакланыгыз

Ел башыннан җирлегебездә 1201 кешегә “Ковид-19” диагнозы куелган. 305 кешедә бу төр авыру тест ярдәмендә расланган. Шуларның 40ы – 17 яшькәчә балалар. “Якын шәһәрләрнең йогышлы авыру хастаханәләренә дәвалану өчен 66 райондашыбыз озатылган булган. Аларның 62се савыгып чыкса, дүртесен коронавирус авыруы якты дөньядан алып киткән. “Бүгенге көндә ковид белән 11 кеше амбулатор дәвалану ала. Вируслы пневмониядән ел башыннан 7 райондашыбыз вафат булган. Июль аенда Мөслимдә 4 кешедә "Ковид-19" расланган. Коронавирус авыруы сирәк булса да, очрап тора. Сакланып йөрегез”, – дип хәбәр итә район поликлиникасының табиб-инфекционист шәфкать туташы Гөлнар Кәримова.