Үзешчән театр коллективлары район үзәге сәхнәсендә спектакльләр куюны дәвам итә

Үзешчән театр коллективлары район үзәге сәхнәсендә спектакльләр куюны дәвам итә. Узган атнада Ташлыяр үзешчәннәре Г.Мөхәммәдшинаның "Соңлаган бәхет" исемле моңсу комедиясен күрсәтте, Салауз-Мухан авылының "Нур" халык театры Айгөл Әхмәтгалиеваның "Сагынган чакларымда" драмасын сәхнәләштерде. Спектакльгә автор Айгөл Әхмәтгалиева үзе дә килгән иде. Ул үзешчәннәрнең уенына югары бәя бирде.
Шул көнне кич белән А.Әхмәтгалиева район үзәк китапханәсендә китап укучылар белән очрашты.

Фотолар - Ташлыяр мәдәният йорты архивыннан.