Кулыма китап алам

Айгөл Белова, студент:

Бер генә китапны яратам дип әйтә алмыйм, укыган һәр китабым минем өчен ниндидер әһәмияткә ия. Шулай да иртәнгә кадәр аерыла алмыйча укыган берничә әсәрне әйтеп үтәсем килә. Агата Кристиның “Десять негритят” романы – детектив жанрындагы иң яхшы әсәрләрнең берсе, дип уйлыйм. Әсәр ахыргача киеренкелектә тота. Михаил Булгаковның “Морфий. Записки юного врача” хикәяләр циклы адәм баласының әкренләп наркотик матдәләр колына әйләнүен күрсәтә.
Маргарет Митчелның “Унесенные ветром” романында укучыны геройлар белән бергә еларга, сөенергә һәм сокланырга да мәҗбүр иткән гаҗәеп мәхәббәт тарихы тасвирлана, әсәрне кабат-кабат укыйсы килә!

Тулырак "Авыл утлары" газетасының 2023 ел, 19 май санында

Сәхифәне Римма Афзалова алып бара.

Фото - А.Белованың шәхси архивыннан