Кыек эш

Район прокуратурасы 37 яшьлек мөслимлегә карата җинаять эше буенча гаепләүне хуплады. Ул Россия Федерациясе Җинаятьләр кодексының 158 маддә 2 бүлек “в” пунктында каралган җинаятьне кылуда гаепләнә (чит кеше милкен, шактый күләмдә зыян салып, урлау). 
Тикшерү версиясе буенча 2022нче елның 26 июнендә 21 сәгать 40 минут тирәсендә танышының ВАЗ-2113 маркалы автомобилендә булган вакытта ул сумкадагы кошелектан 12 мең сум акча урлый. Машина Мөслим авылында Урожайная урамындагы йорт янында торган була. Акчаны урлагач, гаепләнүче җинаять урыныннан кача. 
– Тикшерү барышында әлеге зат үз гаебен тулысынча таныды һәм тәүбә итте, шулай ук зыян күрүчегә зыянны тулысынча кайтарды, – ди район прокуроры урынбасары Линар Әскаров. 
Хәзерге вакытта җинаять эшен район суды тикшерә, дип хәбәр итәләр район прокуратурасыннан.   
Фото  -  ru.freepik.com