Шәхси хуҗалыкта янгын чыга

4 декабрьдә Иске Карамалы авылында шәхси хуҗалыкта янгын чыга. Төнге сәгать икедә котельныйның идәненә ут каба. Йорт хуҗасы утны үзе сүндерә. Йорт иминиятләштерелгән. “Ел башыннан бу – 29нчы очрак. Янгынның сәбәбе – сүндерелмәгән тәмәке төпчеге. Бина эчендә тәмәке тарту аяныч нәтиҗәләргә китерергә мөмкин. Кышкы чорда янгын куркынычы арта. Электр җиһазлары белән эш иткәндә аеруча игътибарлы булырга кирәк”,– ди Мөслим һәм Сарман районнары буенча янгын күзәтчелеге бүлеге җитәкчесе урынбасары Илнар Идиятов.

Фото -Изображение от Freepik