02 хәбәр итә

2024нче елның 31 маеннан алып 26 октябрь аралыгына кадәр бер райондашыбызны мошенниклар “кыска тезгендә” тоткан. 1969 елгы Мөслим авылы кешесе зур бер компаниягә инвестицияләр кертү максаты белән мошенникларга 3 770 900 сум акча күчергән. Тикшерү эше бара. Бу – ел башыннан өченче мошенниклык очрагы. “Тиз акча эшләргә өметләнеп, күпләр алдарларның кармагына эләгә. Сак булыгыз! Җиңел генә баеп булмый, хәләл акчаларыгыздан колак какмагыз! Инвестицияләр белән алданучылар саны республика күләмендә арта бара”, – дип хәбәр итә район эчке эшләр бүлегенең полиция начальнигы Булат Замалиев.

Фото – «Татар-информ» архивыннан