Мәктәпләрдә хәйрия ярминкәләре оештырылды

Инвалидлар ункөнлеге уңаеннан мәктәпләрдә хәйрия ярминкәләре үткәрү матур гадәткә әйләнде. Кичә Мөслим гимназиясендә һәм лицейда “Игелеккә бер адым” исеме астында хәйрия ярминкәләре оештырылды.

Укучыларның әниләре, әбиләре ярминкәгә өчпочмаклар, коймаклар, башка төр камыр ризыклары пешереп җибәргән иде. Өйдә пешерергә мөмкинлеге булмаганнар кибеттән сатып алып килгән. Иң мөһиме – бу чарадан бер укучы да читтә калмаган. Җыелган акча, адреслы ярдәм буларак, мәктәптә укучы сәламәтлекләре чикле балаларга, инвалид балалар тәрбияләүче хезмәткәрләргә, сәламәтлек мөмкинлекләре чикле хезмәткәрләргә биреләчәк.

Лилия Шәймиева фотолары.