Әдәби сәгать кысаларында

Г.Тукай исемендәге Мөслим урта мәктәбенең 8 нче сыйныф укучылары өчен район үзәк китапханә хезмәткәрләре "Халыкның тере чишмәсе» әдәби сәгать  оештырды. Укучылар Татарстанның танылган балалар язучылары иҗаты белән таныштылар. Китапханәчеләр татар язучыларының биографиясе һәм иҗатының кызыклы битләрен күрсәтүче слайд - презентация әзерләп балаларга тәкъдим иттеләр. Чарага «Әдәби Татарстан» дигән китап күргәзмәсе оештырылды. Анда китапханә фондыннан матур, төсле китаплар тәкъдим ителде. Очрашуны алып баручы китапларга күзәтү ясады, ә балалар язучыларның яраткан әсәрләреннән өзекләрне кычкырып укыдылар. Күргәзмәдә тәкъдим ителгән китаплар төрле жанрлардагы сәнгать әсәрләре:  хикәяләр, шигырьләр һәм әкиятләр. Алар барысы да укучыларга күңел  җылысы бирә, аларны энергия һәм яхшылык белән тулыландыра.

Фото - район үзәк китапханәсеннән