Мәдәният тармагы хезмәткәрләренең коллегиясе узды. Фоторепортаж
Соңыннан бер төркем мәдәният хезмәткәрләренә муниципаль район башлыгының Рәхмәт хатлары тапшырылды.
Бүген район мәдәният тармагы хезмәткәрләренең коллегиясе узды. Аның эшендә муниципаль район башлыгы Рамил Муллин, мәдәният бүлеге һәм район мәдәният йорты белгечләре, бүлек мөдирләре, үзәк китапханә хезмәткәрләре, авыл мәдәният йорты һәм китапханә хезмәткәрләре катнашты. “2018 елдагы эшчәнлеккә йомгак һәм алда торган бурычлар турында ” район мәдәният бүлеге җитәкчесе Ирек Сәлихҗанов чыгыш ясады. Шулай ук, балалар сәнгать мәктәбе директоры Айгөл Фәттахованың, ТР Халыклар дуслыгы ассамблеясенең Мөслимдәге бүлеге җитәкчесе Рушат Солтановның чыгышлары тыңланды. Район башлыгы Рамил Муллин үз чыгышында мәдәният хезмәткәрләренең эшчәнлегенә рәхмәтен җиткереп, аларга үз тәкъдимнәрен дә җиткерде. Соңыннан бер төркем мәдәният хезмәткәрләренә муниципаль район башлыгының Рәхмәт хатлары тапшырылды.
Следите за самым важным и интересным в Telegram-каналеТатмедиа
Безнең телеграм каналга кушылыгыз! Телеграм-канал
Нет комментариев