Халык җыеннары дәвам итә.Фоторепортаж

Авыл җирлекләрендә халык җыеннары дәвам итә. Кичә җыеннар Вәрәшбаш һәм Крәш. Шуран авыл җирлекләрендә үтте. Аларда муниципаль район башлыгы Рамил Муллин, район прокуроры Данис Әхмәтҗанов катнашты. Җирлек башлыклары 2018 елдагы эшчәнлек буенча хисап тотканнан соң, җирлектәге уңай үзгәрешләр турында сөйләүчеләр белән бергә халыкны борчыган проблемаларны күтәреп чыгучылар да булды. Җыеннарда район башлыгы Рамил Муллин районның социаль-икътисадый үсеше һәм киләчәккә планнар белән таныштырды, җирлек халкын борчыган сорауларга җавап бирде.

Бүген халык җыеннары көндезге 2 дә – Метрәй авыл җирлегендә, сәгать 4 тә Яңа Усы авыл җирлегендә башланачак. Алдан район мәдәният йорты үзешчәннәре концерты да була.