Ата-аналар колагына

– Баланың кәефе, психологик халәте аны иртән ничек уятуга да бәйле. Баланы төрткәләп, кычкырып түгел, тыныч тон белән, ашыктырмыйча гына уятырга кирәк. Бала җиңел уянса, димәк, аның йокысы туйган.

– Бала белән бергә бакчага бару мөмкинлегеннән һәрчак файдаланырга тырышыгыз.

– Бала белән ешрак булуның аралашу һәм киңәшләр бирү мөмкинлеге икәнен дә онытмагыз.

– Баланың һәрбер уңышына шатлана белегез. Уңышсызлыклары булса, үзегезне тыныч тотыгыз, артык хафаланмагыз.

– Балагызны игътибар белән тыңлагыз. Ул үзен яратуны һәрвакыт сизәргә тиеш.

– Сөйләмегездән кычкыруны, кискен интонацияләрне алып ташлагыз.

– Гаиләгездә һәрчак уңай, җылы мөнәсәбәтләр булдырырга тырышыгыз.

Фото - Татар-информ архивыннан