Мәчетләр күп булмый (+фоторепортаж)

Рәмилә Сәләмова, 17 июнь 2023 - 13:31

328

Районыбызда ике мәчет төзелешенә старт бирелде.

13 июнь көнне Шуганка һәм Күбәк авылларында төзеләчәк мәчетләргә нигез салу булды. Тантаналы чарада район башлыгы Альберт Хуҗин, иганәчеләр, авыл халкы катнашты. Башка төбәкләрдә яшәп тә, әлеге чарага битараф калмаган кешеләр дә бар иде.
Шуганка авылында мәчет Ленин урамында төзеләчәк. Район башлыгы Альберт Хуҗин авыл халкына тәбрикләвен җиткерде.

Күбәк авылында мәчет урыны очраклы сайланмаган, анда элек тә Аллаһ йорты булган.
Авылның имамы Сөләймән хәзрәт Хафизов әлеге изге эштә матди ярдәм күрсәтүчеләргә рәхмәтләрен җиткерде. Мөслим районы имам-мөхтәсибе Илгиз хәзрәт Сөнгатуллин районда 33 мәчет булуын билгеләп үтте. “Тагын 4 мәчет төзелә. Алар тиз арада сафка басып, озак еллар хезмәт итсен һәм һәрвакыт халык белән тулы булсыннар иде”, – диде ул.