Бу көнне Мөслимдә

28 июль
Кырлар хроникасы
27 июльгә район хуҗалыкларында 1194 гектар борчак чабылды, арыш чәчү өчен 5300 гектар җир әзерләнде. “Авангард” колхозында арыш урагына төштеләр.

Алда  – маяклылар
“Маяк” колхозы членнары һәр яңалыкны, һәр алдынгы тәҗрибәне тиз тотып ала, аны практикага кертә беләләр. Әле районда яңа төр терлек азыгы – сенаж салу эше быел гына башланды. Шулай да аның әһәмиятен маяклылар тиз белеп алдылар. Кыска гына вакыт эчендә алар 640 тонна урынына 2113 тонна сенаж салдылар. Иртә силос салу да төгәлләнү алдында. 1600 тонна печән оны да әзерләп куйдылар инде.
Кыскасы, маяклылар терлек азыгы хәзерләүдә районның башка хуҗалыкларына маяк булып торалар.
З. Кадыйров.

Сәхифәне Наилә Сәлахова әзерләде.