Помидор чәчәбезме?

Чәчәр алдыннан орлыкларны 20 минут 1 процентлы марганцовка эремәсендә зарарсызландырырга кирәк. Орлыкны чәчкәннән соң тартмаларның өстен пленка белән каплап, өйнең иң җылы урынына куярга һәм туфракны дымлы хәлдә тотарга. Шытымнар күренгәч, пленканы алып, тартмаларны тәрәзә төбенә күчерергә кирәк.
Үсентеләрне күчереп утырту (пикировка) белән соңарырга ярамый. Аларны 10-12 көнлек вакытта (1-2 чын яфрак җибәргәч) башка тартмаларга, бераз тирәнрәк итеп утырталар. Бу исә аңа өстәмә тамырлар җибәрергә мөмкинлек бирә.

Алсу Хисаметдинова фотолары