«Август-Мөслим» аграрийлары кукуруз урып-җыюны төгәлләде!

Барлыгы 30 мең тоннадан артык силос массасы траншеяларга салынган.

Әлеге күләмне берьюлы ташу өчен нинди зур техника кирәклеген күз алдына китерү дә кызык: 30 мең тонна силосны поездга төяп чыгарга туры килсә, аның озынлыгы якынча 6 километр булыр иде!

Ә хәзер бу муллык «Уразмәт» товарлыклы-сөтчелек комплексының 2400 баш сыерына ел буена җитәчәк. Димәк, мөгезле «хезмәткәрләр» өчен кышкы меню әзер!

Кыскасы, терлек азыгы мул, савым сыерлары да канәгать булсын!

Фото – район авыл хуҗалыгы һәм азык-төлек идарәсеннән.