Терлекләр үз иркендә йөрергә тиеш түгел
Авыл хуҗалыгы терлекләрен һәм кош-кортны тоту кагыйдәләре бар. Тик бу кагыйдәләр һәр авыл җирлегендә дә төгәл үтәлә, дип булмый.
Метрәй авыл җирлегендә – “Авзалов” хуҗалыгы басуында сарыкларның эшкәртелгән басуны таптап йөрүе ачыкланган.
– Закон таләпләре һәркем тарафыннан үтәлергә тиеш. Сарыкларның хуҗасы ТР Административ хокук бозулар кодексының 2.6 маддәсе – җирле үзидарә органнарының муниципаль хокук актларын үтәмәгән өчен саллы гына штрафка тартылды. Законны кабат бозганда, штраф күләме икеләтә арта, – ди Башкарма комитетның административ комиссиясе баш белгече Илназ Әхмәдуллин.
Кагыйдә бозу очраклары Тойгелде авыл җирлегендә дә теркәлгән: “Август-Мөслим” агрофирмасы басуларында маллар бодай чәчелгән басуны таптаган.
Лилия Шәймиева
Илназ Әхмәдуллин фотосы.
Тулырак "Авыл утлары" газетасының 2023 ел 10 ноябрь санында укыгыз.
Следите за самым важным и интересным в Telegram-каналеТатмедиа
Безнең телеграм каналга кушылыгыз! Телеграм-канал
Нет комментариев