Бөтенроссия «Хәтер шәме» акциясенә кушылып
Сугыш һәм хезмәт даны мемориаль комплексында кичке сигездә «Хәтер шәме» акциясенә җыелдылар.
22 июнь көнне кичке сәгать сигездә меңләгән кеше, шул исәптән район башлыгы, оешма - предприятие хезмәткәрләре, Мөслим авылы халкы, волонтерлар Мәңгелек ут янына җыелдылар. Биредә «Хәтер шәме» Бөтенроссия акциясе үткәрелде.
«Беркайчан да югалтулар сызлавы тынмаячак һәм мәңгелек дан беркайчан да җуелмаячак. Ата-бабаларыбызның бөек батырлыгы безгә фашизм җинаятьләрен һәм тарихның ачы дәресләрен онытырга ирек бирми. Бөек Җиңү өчен көрәшкән, тылда Җиңүне якынайткан һәркемгә мәңгелек дан», - дип ассызыклады Альберт Хуҗин.
Чараны йомгаклап хәтер шәмнәре кабынды, алардан «Мәңге хәтерлибез!» сүзе язылды.
Шулай ук «Хәтер шәме» акциясе һәр авыл җирлегендә узды.
Батырларга мәңгелек истәлек!
Фото - администрациянең матбугат хезмәте архивыннан
Безнең телеграм каналга кушылыгыз! Телеграм-канал
Нет комментариев