«Шифа» лагерында спектакль күрсәткәннәр

- Сәламәтлек мөмкинлекләре чикле балалар өчен Түбән Табын интернат -мәктәбенең  «Шифа» лагерында  Әлмәт районы Иске Әлмәт мәдәният йорты артистлары «Тылсымлы сандык сере» спектаклен күрсәттеләр. Әкият барышында кызыклы уеннар, флешмоблар үткәрелде. Театрның   декорацияләре, матур костюмнар һәм махсус эффектлар тулы спектакль балаларның игътибарын җәлеп итте. Тамаша ахырында аларны  сюрприз көтә иде. Кунакка барысының да яраткан герое - Чебурашка килде.  Яшь тамашачылар караган спектакльдән канәгать калдылар, - дип хәбәр итәләр Түбән Табын интернат-мәктәбеннән

Фотолар - Түбән Табын интернат-мәктәбе архивыннан