Мөслим-информ

ТӘМЛЕТАМАК: Эремчекле йомырка

Бу 15 минутта әзерләнә торган ризык.

Эремчектән тәмле ризык тәкъдим итәм. Кыяфәте аҗарча хачапурины хәтерләтсә дә, рецепты бөтенләй үзгә. Чүпрә күпертеп азапланасы түгел, гомумән, бу 15 минутта әзерләнә торган ризык.

Бер кап майсыз эремчеккә тоз, ярты чәй кашыгы шикәр, ике аш кашыгы он, бер йомырка сарысы кушып болгатабыз. Бу массаны таба уртасына салабыз да, кул белән массаны көймә рәвешенә кертәбез. Уртасын бераз басып, чокыр калдырабыз. "Көймә"гә йомырка сарысы сылыйбыз һәм 10 минутка духовкага 180 градуска тыгабыз. Чыгаргач, чокырына ипләп кенә бер йомырка салабыз, өстенә сыр сибәбез һәм яңадан духовкага 3 минутка тыгабыз.

Ашларыгыз тәмле булсын!

Автор: Алсу ИСМӘГЫЙЛЕВА

ЧЫГАНАК: "Интертат.ру" сайты.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Реклама
Комментарии (0)
Осталось символов: