Тукайлылар Бөтенроссия олимпиадасыннан җиңү белән кайталар
Лениногорск шәһәрендә оештырылган Бөтенроссия олимпиадасы финалында Мөслим урта мәктәбе укучылары катнашты.
Лениногорск шәһәрендә өч көн дәвамында "Сәнгать-Технология-Спорт" исемле Зур Бөтенроссия олимпиадасы кысаларында "Спорт" юнәлеше буенча региональ этапның финал ярышлары үтте. Финал уеннарында Татарстаннан 12 команда катнашты. Мөслим данын Г.Тукай исемендәге Мөслим урта мәктәбе укучылары яклады.
"Олимпиададан тукайлылар 4 көмеш, 1 алтын медаль белән кайталар. Укучыларны олимпиадага Инзил Талипов һәм Илшат Закиров әзерләде", - дип хәбәр итәләр Мөслим урта мәктәбеннән.
Фотолар - Г.Тукай исемендәге Мөслим урта мәктәбеннән.
Следите за самым важным и интересным в Telegram-каналеТатмедиа
Безнең телеграм каналга кушылыгыз! Телеграм-канал
Нет комментариев