“Ел укучысы” бәйгесенең финалы узды
Мөслим урта мәктәбендә районкүләм «Ел укучысы» бәйгесенең финал туры уздырылды.
Бүген Г. Тукай исемендәге Мөслим урта мәктәбендә районкүләм “Ел укучысы” бәйгесенең финалы узды. Район мәктәпләренең 4 сыйныф укучылары арасыннан 11 малай-кыз үзара көч сынашты. Иң элек балалар үзләре белән таныштырды, туган якны белүдә, блиц-сораштыруда, “Фразаны дәвам ит” конкурсында катнашты. Аннан тыш укучылар киләчәктә үзләштерергә теләгән һөнәрләре турында сөйләде.
Әлеге конкурс 2014 елдан бирле уздырыла. Аның төп максаты – белем бирү оешмалары өчен бердәм аралашу тирәлеген булдыру һәм тәҗрибә уртаклашу, сәләтле балаларны билгеләү, аларның казанышларына һәм талантларына ярдәм итү.
Рәмилә Сәләмова фотосы
Безнең телеграм каналга кушылыгыз! Телеграм-канал
Нет комментариев