#МойГеройМояСемья онлайн-флешмобында катнаш

Татарстанда #МойГеройМояСемья флешмобы эшли башлады. Акциядә республиканың һәр кешесе катнаша ала. Моның өчен катнашучыларга ВКонтакте социаль челтәрендә 1941-1945 еллардагы Бөек Ватан сугышында катнашкан гаилә геройларының батырлык тарихларын бастырып чыгарырга тәкъдим ителә.

 Геройларны тасвирлаганда  батырлыклары һәм казанышлары турында сөйләү мөһим. Постларда сугышта катнашучыларның фотоларын куллану хуплана. Бу флешмоб белән «Татмедиа» журналистлары «Үлемсез полк онлайн» акциясен киңәйтергә тәкъдим итә.  Бөек Ватан сугышы геройлары һәм катнашучылары турында истәлекләр  Татарстан басмаларында урын алачак.
Акциядә катнашу өчен героегызның  тарихын  ВКонтакте  социаль челтәрендә бастырып чыгарырга һәм #мойгероймоясемья хэштегын куярга кирәк. Бөек Ватан сугышы чорында туганнарыгызның тормышы турында уникаль фактлар Җиңү көне алдыннан Татарстан массакүләм мәгълүмат чараларында басылып чыгачак.

Фото - "Мөслим-информ" архивыннан