Максат куеп

Мөслим лицее базасында урнашкан имтихан тапшыру пунктында районның 9-11 сыйныфында белем алучы чыгарылыш сыйныфы укучылары сынап карау имтиханнарын бирергә җыйналды. Укучылар имтиханнарга бик җитди карыйлар. Зур җаваплылык тоеп әзерләнгәннәр, әмма үз-үзләренә ышанычлары да зур, чөнки бик күбесе киләчәктә югары уку йортынды белем алырга дигән максат куйган. Укучы никадәр генә әзерлекле булса да, сынау  психологик киеренкелек тудыра. Еллар дәвамында эзлекле шөгыльләнү генә югары баллар җыярга нигез булып тора. Җаваплы чорда укучы, укытучы, әти-әни өчлеге бердәм, аңлашып эшләгәндә генә көткән нәтиҗәләргә ирешергә мөмкин.

Наилә Сәлахова фотосы