Җиңүгә омтылыш көчле
“Тату сыйныф серләре” республика бәйгесенең ярымфиналы узды.
Анда Мөслим лицееның 7 “А” сыйныфы укучылары һәм ата-аналары беренче урынны алды.
“Тату сыйныф серләре” бәйгесе республикада җиденче тапкыр оештырыла. Быел бәйгенең зона этабында 60ка якын сыйныф чыгыш ясады. Ярымфиналга 27 команда узды. Алар арасында мөслимлеләрнең дә булуы – зур сөенеч!
– 1 март көнне укучыларыбыз конкурсның зона этабында Актаныш, Сарман, Тукай, Минзәлә районнарыннан килгән ата-аналар комитетлары командалары белән очрашты. Егет-кызлар сынатмады, ярымфиналда да җиңүгә ирештеләр, – ди Мөслим лицее директоры Чулпан Әхмәтшина.
“Тату сыйныф серләре” бәйгесендә командалар ата-аналар комитетларының тәрбия эшчәнлегендә мәктәп белән бердәмлеген, традицион гаилә кыйммәтләрен, ата-аналарның педагогик культурасын күрсәтүче күргәзмә тәкъдим итте. Визитка, хәрби-патриотик темага проект әзерләү дә бәйгенең төп шартлары иде.
Лилия Шәймиева
Тулырак “Авыл утлары” газетасының 19 апрель 2024 ел саныннан укыгыз
Ксения Нәбиева фотосы
Следите за самым важным и интересным в Telegram-каналеТатмедиа
Безнең телеграм каналга кушылыгыз! Телеграм-канал
Нет комментариев