Г. Тукай исемендәге Мөслим урта мәктәбендә Казан дәүләт энергетика университеты һәм «Әлмәт электр челтәрләре» АҖнең Мөслим филиалы хезмәткәрләре катнашында районкүләм Ачык ишекләр көне үткәрелде.

Биредә укучылар энергетика университетында бирелүче белгечлекләр турында визуальләштерелгән мәгълүмат алдылар, гамәли биремнәр үтәделәр.

Икенче өлештә белгечләр ата-аналар белән очрашты.

- "Мәктәп-вуз-предприятие" хезмәттәшлеге моделен тудыру максатын күз алдында тоткан әлеге чара укучыларга һөнәри юнәлеш бирүдә һәм профиль әзерлегендә зур ярдәм, - диләр оештыручылар.

Г. Җәлилова репортажы.

Фотолар - Г. Тукай исемендәге Мөслим урта мәктәбеннән.