Ауга – эт белән!

25 июльдән республика территориясендә этләр белән киек кошларны аулау сезоны башлана. Бу хакта ТР биологик ресурслар буенча дәүләт комитетының Мөслим муниципаль районы буенча бүлек җитәкчесе Владимир Муринов хәбәр итте.

Бу төр ау өч срок эчендә башкарыла. Сазлык-болын киекләренә ау – 25 июльдән 5 декабрьгә кадәр, дала, кыр һәм тау киекләренә ау – 5 августтан 5 гыйнварга кадәр, ә суда йөзүче киекләргә ау августның дүртенче шимбәсеннән 5 декабрьгә кадәр рөхсәт ителә.

– 25 июльдә этләр белән киек кошларга ау сезоны ачылды. Аучыда этләрнең белешмәләре яки килеп чыгышы турында таныклыгы булырга тиеш. Бер эт белән өч аучы гына ауда катнаша ала. Ауга утрау һәм континенталь легаль этләр, ретриверлар һәм спаниельләр белән чыгарга ярый, – ди Владимир Дмитриевич.

Тик ау кагыйдәләре турында да онытырга ярамый. Ау кагыйдәләрен бозу 4 мең сум күләмендә административ җаваплылык белән яный.

– Сезон ачылуны сәбәп итеп, аучылар кырга ашыга һәм күпләр бәйрәм ясарга гадәтләнде. Аучылык җирләрен сакласыннар, иминлек кагыйдәләре турында онытмасыннар иде! Учак ягу катгый тыела! Янгын чыганаклары ачыкланган очракта учакны сүндерү буенча барлык чараларны да күрергә кирәк, ә моны эшләп булмый икән, янгын сүндерү хезмәте бригадасы чакырылачак, – диде баш аучы.

Мөслимлеләр республиканың һәркемгә керергә рөхсәт ителгән аучылык җир-суларында ауга рөхсәт алу өчен күп функцияле үзәккә мөрәҗәгать итә ала.

Этләр белән киек кошлар ауларга рөхсәт документын алыр өчен үзең белән паспорт һәм аучылык билеты булу кирәк. Күп функцияле үзәк – “Минем документлар” офисына, планлаштырылган ау районы кайда булуына карамастан, мөрәҗәгать итәргә була.

Тулырак “Авыл утлары” газетасының 2024 ел 26 июль санында укыгыз.

Фото – Татар-информ архивыннан