Мөслим-информ

Муслюмовский район

18+
2024 - Гаилә елы
Яңалыклар

Зарыгып көткән көн

Бу көнне һәркем көтте. Җиңү көнен мөслимлеләр зурлап билгеләп үтте.

 Тантаналы чара су­гышчан һәм хезмәт даны мемориаль комплексын­да һәйкәлләргә чәчәкләр салу белән башлан­ды. Район җитәкчелеге шәһит киткәннәрне зурлап венок салган­нан соң, мәңгелек ут, обелисклар һәм як­ташларыбыз исемнәре язылган стеналар бу­ена оешма-учрежде­ние коллективларының чәчәкләре урнаштырыл­ды.

Ул арада, Мөслимгә бәйрәм рухы таратып, урам­нар буйлап демонстрациядә катнашучылар кузгал­ды. Халык шат авазлар белән бизәлгән колонна­ны сәламләде. Алардан соң нык басып атлаучы яшь армиячеләр бәйрәмнең күрке булды. Аларга алмаш­ка үсүче бакча балалары да парадта абый-апаларыннан калышмый атлады.

Сәхнәләштерелгән күренеш күңелләрдә дәһшәтле елларны кабат яңартты. Җиңү залпларын­нан соң 77 ел үтсә дә, сугыш турында хатирәләр уңмаган шул әле. Район башлыгы Аль­берт Хуҗин һәм Татарстан Ре­спубликасы буенча медици­на-социаль экспертиза баш бюросы баш эксперты Ригель Низамов тәбрикләүләрен җиткереп, илгә Җиңү шат­лыгы китерүчеләрнең батырлыгына, сугыш­тан соң төрле тармаклар­да хезмәт куючыларның фидакарьлегенә соклану­ларын, алар белән горур­лануларын белдерделәр. Бәйрәмдә катнашучылар ба­тырларны бер минут тынлык белән искә алды.

Чараны район мәдәният һәм сәнгать хезмәткәрләре, үзешчәннәр катнашкан зур концерт бизәде. Исәнсеф авылыннан сугыш чоры баласы Мөҗәһидан Мор­тазин да, күптәнге хыя­лып тормышка ашырып, зур сәхнәдән “Герман көе”н башкарды. Бәхетле бала­чакларын язмыш урлаган буынның дәвамчылары да ул көннәрне мәңге онытмас, ел саен табигать чәчәккә төренгән мәлдә аларның күңелләрендә яу кырында калганнар кабат терелер. Хәтеребез уяу булганда ба­тырлар да исән булыр.

Бәйрәмгә килүчеләр ярминкәдә дә булды, техни­кум уңганнары пешергән солдат боткасыннан да авыз итте. Кичке сәгатьләрдә Ык буена төшүчеләр Са­бантуй мәйданында Ришат Фазлыйәхмәтов концер­тында күңел ачты. Шунда ук төнге күккә чәчелгән фейер­верклар бәйрәм көненә төсле нокта куйды.

Мөнирә Арсланова.

Римма Афзалова фотосы.

 

Следите за самым важным и интересным в Telegram-каналеТатмедиа

Безнең телеграм каналга кушылыгыз! Телеграм-канал

Без "Дзен"да! Дзен


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

Реклама