Бүген Татарстанда яңгыр һәм 28 градуска кадәр җылы булуы көтелә

24 август 2026 - 08:15 Автор:

admin

Бу хакта ТР Гидрометеорология һәм әйләнә-тирә мохитне күзәтү идарәсе хәбәр итә

Дүшәмбе, 24 августта, республикада аязучан болытлы һава торышы, урыны белән кыска вакытлы яңгыр, көндез һәм кичен кайбер урыннарда көчле яңгыр, аерым районнарда яшен булуы көтелә, дип хәбәр итә ТР Гидрометеорология һәм әйләнә-тирә мохитне күзәтү идарәсе.

Көньяктан һәм көньяк-көнчыгыштан секундына 6-11 метр тизлектә җил исә, иртән, көндез һәм кичен аның тизлеге урыны белән 15-20 метрга кадәр җитә. Төнлә температура +9..+14 градус, көнбатышта +19 градуска кадәр тәшкил итте, көндез һава +23..+28 градуска кадәр җылыначак.

Казанда аязучан болытлы һава торышы, көндез һәм кичен кыска вакытлы, урыны белән яшенле яңгыр көтелә. Көньяктан һәм көньяк-көнчыгыштан секундына 6-11 метр тизлектә җил исә, көндез һәм кичен аның тизлеге урыны белән 15-18 метрга кадәр җитә. Көндез башкалада температура +23..+25 градус тәшкил итәчәк.

Фото: © «Татар-информ», Владимир Васильев