Яңалыклар
Мәгариф хезмәткәрләренең август киңәшмәсе
Киңәшмә алдыннан район мәдәният йортында бай эчтәлекле күргәзмә оештырылды
“Мөслим муниципаль районында белем бирү киңлеге: төп казанышлар һәм үсеш юнәлешләре” исеме белән үткән чарада 2025-2026 уку елы нәтиҗәләре, проблемалар һәм алдагы бурычлар каралды.
Киңәшмә алдыннан район мәдәният йортында бай эчтәлекле күргәзмә оештырылды. Аны район башлыгы Альберт Хуҗин, ТР Мәгариф министрлыгы вәкиле Рөстәм Хаҗиев, мәгариф идарәсе җитәкчесе Лилия Хәбибуллина карады.
Пленар утырыш
Пленар өлешен Лилия Хәбибуллина ачты. Утырышта район башлыгы, министрлык вәкиле, хакимият җитәкчеләре, мәктәп һәм балалар бакчасы коллективлары катнашты. Төп докладны Хәбибуллина ясады, ул укучы һәм укытучы уңышлары, имтихан нәтиҗәләре, мәсьәләләр һәм яңа уку елы бурычлары турында сөйләде.
Методист чыгышлары
Шулай ук методист Лилия Басырова (мәктәпкәчә белем) һәм Ләйсән Яхина (тәрбия эшләре буенча методик берләшмә җитәкчесе) чыгыш ясады. Кунаклар Рөстәм Хаҗиев һәм Альберт Хуҗин фикер-тәкъдимнәрен белдерделәр.
Бүләкләү тантанасы
Пленар өлеш бүләкләүгә бай булды. Хаҗиев һәм Хуҗин конкурсларда, олимпиадаларда уңышларга ирешкән, югары күрсәткечләргә өлгәшкән педагогларга министрлык һәм район башлыгы грамоталары, рәхмәт хатлары һәм истәлекле бүләкләр тапшырдылар.
Фәридә Гайнетдинова, Рәмилә Сәләмова фотолары.
Безнең телеграм каналга кушылыгыз! Телеграм-канал
Нет комментариев