Язгы чакырылыш бара 

 Мөслимдә Хәрби хезмәткә чакырылучы көне узды. Чарада район Советы аппараты җитәкчесе Ринат Гарипов, Сарман һәм Мөслим районнары хәрби комиссары урынбасары Ленар Һадиуллин, районның иҗтимагый советы рәисе Рушат Солтанов, әфганчылар, хәрби хезмәткә чакырылучы егетләр һәм аларның әти-әниләре катнашты. Язгы чакырылышта хәрби хезмәткә китәсе егетләргә – истәлек бүләкләре, әниләренә чәчәкләр бүләк ителде. Әфган сугышы ветераннарына Әфганстаннан хәрби гаскәрләр чыгарылуга 30 ел тулу уңаеннан истәлек медальләре тапшырылды. Бәйрәм ахырында егетләр сугышчан һәм хезмәт даны мемориаль комплексына чәчәкләр салды.