Ветераннар Җиңү көне белән котлаулар кабул итте

"Район башлыгы Альберт Хуҗин, ветераннар Советы рәисе Илгиз Низамов, район Советы аппараты җитәкчесе Ренат Гарипов районыбызда яшәүче тыл һәм хезмәт ветераннарын якынлашып килүче Җиңү көне белән котлап бәйрәм открыткалары һәм бүләкләр тапшырды. Мөслим авылында гомер итүче Фәгыймә Сөләйманова һәм Баек авылында яшәүче Хаҗи Садриев бу көннәрдә 100 һәм 95 яшьлек гомер бәйрәмнәрен билгеләп үтә,- дип хәбәр итәләр район хакимиятенең матбугат хезмәтеннән.

Фотолар - район хакимиятенең матбугат хезмәтеннән.