"Урман иле"ндә тантана

Кичә “Урман иле” ял һәм сәламәтләндерү лагерендә  икенче сменаны ябу тантанасы булды. Тантанага мәгариф бүлеге җитәкчесе урынбасары Эльвира Әхмәтҗанова, мәктәптән тыш эшләр үзәге хезмәткәрләре, ял итүче балаларның әти-әниләре килгән иде.18 көн дәвамында балалар танышып, дуслашып өлгергәннәр. Кунаклар алдында бик матур концерт номерлары белән чыгыш ясадылар, сәләтләрен күрсәттеләр. Ял никадәр генә күңелле булса да, әти-әни, туган өй сагындырган. Тагын бер елдан күрешергә дип сөйләшеп, өйләренә таралыштылар.