ТР буенча Роспотребнадзор идарәсендә коронавирусның авыр формалары саны артуны аңлаттылар

Татарстанда яңа коронавирус йогышының авыр формалары саны артты. Бу хакта «Татар-информ» мәгълүмат агентлыгында узган матбугат конференциясендә Роспотребнадзорның ТР буенча идарәсе җитәкчесе урынбасары Любовь Авдонина сөйләде.
"Ноябрьнең беренче ике атнасында, октябрьнең шул ук чоры белән чагыштырганда, 65 яшьтән өлкәнрәкләр арасында коронавирус белән авыручылар саны 1,5 тапкырга арткан. Шуңа бәйле рәвештә авыруның авыр формалары өлеше дә артты, чөнки 65 яшьтән өлкәнрәк кешеләргә авыр формаларның хас булуын аңларга кирәк», — дип билгеләп үтте спикер.
Любовь Авдонина шулай ук авыруның авыр формаларын арттыруда медикларга соңрак мөрәҗәгать итү һәм үз-үзеңне дәвалау омтылышларының роле уйный, дип өстәде.