“Тоннель” операциясе узды

Мөслимдә 2022 елның беренче “Тоннель” операциясе узды. “Яллардан соң халык, күрәсең, һаман эш режимына кереп китә алмый. Әлеге төр операция һәм башка чаралар барышында иминлек каешын эләктермәгән, балаларын махсус креслоларга утыртмаган шоферлар саны кискен артуы күзәтелә. Гыйнвар аенда исерек килеш транспорт белән идарә иткән 13 шофер тоткарланды. Шуларның өчесе – “Тоннель” операциясе вакытында”, – дип хәбәр итә районның ДАИ җитәкчесе Айнур Хәйретдинов.