Тизрәк кап, ялтырап ят!

Быел фестиваль җиденче мәртәбә оештырылды.

– Ярышта катнашучылар саны елдан-ел арта. Боз астыннан балык тотарга яратучылар арасында тәҗрибәле балыкчылар да, өйрәнчекләр дә күп. Быел фестивальгә ут-күршеләребез – Сарман, Азнакай районнарыннан, Әлмәт, Яр Чаллы шәһәрләреннән дә балыкчылар килде, – ди чараны оештыручы Марат Бәйрханов.

Балыкчыларга 1 сәгать вакыт бирелде. Егетләр үзләре генә белгән алымнар белән балык тотарга кереште. Балык тоту егетләр шөгыле саналса да, балыкчылар арасында хатын-кызлар да очрый. “Алтын балык” фестивалендә быел дүрт кыз осталыкларын сынады.
Алдагы еллардан аермалы буларак, фестивальгә гаиләләре белән килүчеләр дә күп иде. Айнур белән Рүзилә 2 яшьлек кызлары Айзиләне дә алып килгәннәр, аның да кулына кармак тоттырганнар. Айзилә әтисе ярдәме белән бер балык “каптырды”. Тоткан һәр балыкка сөенә-сөенә 1 сәгать вакыт сизелми дә үтеп китте.

Лилия Шәймиева фотосы

Тулырак “Авыл утлары” газетасының 2024 ел 16 февраль саныннан укыгыз