Татарстанлылар Яңа елга балалар өчен "Путин" түләүләрен ала башлады

ТР буенча РПФ бүлеге 7 яшькә кадәрге ата-аналарга, уллыкка алучыларга, опекуннарга һәм попечительләргә биш мең сум күләмендә бер тапкыр бирелә торган «Путин» түләүләрен күчерүгә кереште. Бу яңалыкка бәйле рәвештә, узган ял көннәрендә республикада ТР буенча РПФ клиентлары хезмәтләре эшләде. 
"Түләү гаризасыз бирелә һәм күпләргә бүген автомат рәвештә килде. Түләү өчен бары тик ике очракта гына мөрәҗәгать итәргә кирәк:әгәр бала 2020 елның июленнән соң дөньяга килсә, яки счет реквизитлары үзгәрсә, яки ул ябылган булса. Җиде яшькә кадәрге бала өчен көтелгән түләүләр саны — 405 мең татарстанлы, бу 2021 елның мартына кадәр тууны күздә тотып. 2020 ел ахырына кадәр түләү 380 мең балага билгеләнәчәк",-дип хәбәр иттеләр ТР буенча РПФ матбугат хезмәтендә.
Әгәр ата-аналар элек бер ел дәвамында РПФка балаларга килгән бер генә түләү өчен дә мөрәҗәгать итмәгән икән, аларга гариза бирергә кирәк. Гаризада банк счетының реквизитларын күрсәтергә кирәк, аңа акча күчереләчәк.
"Гаризалар 1 апрельгә кадәр кабул ителә. Түләү өчен гаризаны дәүләт хезмәтләре порталында яки ТР буенча РПФ клиентлары хезмәтләрендә тапшырырга мөмкин",-дип билгеләп үттеләр матбугат хезмәтендә.

Тулырак мәгълүмат: https://www.tatar-inform.ru/news/society/21-12-2020/tatarstantsy-nachali-poluchat-putinskie-vyplaty-na-detey-k-novomu-godu-5794174