("Татар-информ"). Россия сәламәтлек саклау министры Вероника Скворцова Россия сәламәтлек саклау өлкәсендә күзәтчелек буенча федераль хезмәткә (Росздравнадзор) бәйрәм көннәрендә контрольне көчәйтү бурычын йөкләгән. Бу хакта "Российская газета" хәбәр итә.
Әлеге бурыч мәгълүмат чараларында Санкт-Петербургның бер медицина оешмасында пациент үлеме турындагы хәбәрдән соң йөкләнде.
Министр Росздравнадзорга әлеге факт буенча кичектергесез тикшерү үткәрү кушкан.
Матбугат хезмәте хәбәрендә билгеләп үтелгәнчә, Яңа ел бәйрәмнәре алдыннан Вероника Скворцова Россия Сәламәтлек саклау өлкәсендә күзәтчелек буенча федераль хезмәтенә зур игътибар белән бәйрәм көннәрендә медицина оешмалары эшчәнлеге мониторингын булдыруны һәм гражданнардан кергән шикаятьләрне шунда ук тикшерүне йөкләгән.
Нет комментариев