"Син супер!" тапшыруы финалында катнашкан Данила Новиковка фатир бүләк иткәннәр

"Син супер!" тапшыруының финалында катнашкан Минзәләдән 14 яшьлек Данила Новиковның хыялы тормышка ашты. Ул бүләккә бер бүлмәле фатир һәм тавыш яздыру өчен җиһазлар алды.
«Районнан ноутбук бүләк ителәчәк, ә меценатлар аңа фатир сатып алдылар. Сату-алу килешүе төзелгән инде, Данил-торак милекчесе. Бу-шәһәр үзәгендәге бер бүлмәле фатир, ул укый торган мәктәптән ерак түгел",-дип хәбәр итте Минзәлә муниципаль районы Советы аппараты җитәкчесе Эльвира Хәбибуллина.
Эльвира Хәбибуллина билгеләп үткәнчә, бу җиңү көтелгән иде. Талантлы яшь кеше төрле конкурсларда катнашып, аларда берничә тапкыр җиңү яулады. Яңа фатирда тавыш яздыру студиясе җиһазланачак, моның өчен республика акчасына микшер сатып алынган инде.
"Алар 120 кв.метр мәйданлы яхшы шәхси йортта яшиләр, Даниланың үз бүлмәсе бар, алар үз хуҗалыгын тоталар. Без яңа йортка күчүчеләргә район башлыгы катнашында тантаналы шартларда ачкычлар тапшырырга планлаштырабыз", - дип билгеләде Хәбибуллина.
Даниланы әбисе үстергән — әнисен машина бәрдергән, ә әтисе улы тормышында катнашмаган. Әби үзен бала тәрбияләүгә генә түгел, ә аның талантын үстерүгә дә багышлаган. Тамашадагы чыгышын ул нәкъ менә аңа багышлады.
Егет призлы урын алмаса да, мактаулы исемле диплом һәм музыкаль белем бирү форумына чакыру алды.