Рөстәм Миңнеханов туган көне белән котлаучыларга рәхмәт әйтте

Татарстан Президенты Инстаграмда үз язылучыларына котлаулары өчен рәхмәт белдерде.

«Кадерле дуслар, котлаулар өчен рәхмәт», — диде Рөстәм Миңнеханов һәм үзен тәбрик иткән кешеләргә яхшылыклары әйләнеп кайтуын теләде.

ТР Президенты матбугат хезмәте җитәкчесе Лилия Галимова әйтүенчә, Рөстәм Миңнеханов туган көнен гаиләсе белән бәйрәм итә.

«Традиция буенча бу көнне Рөстәм Нургалиевич гаилә белән үткәрә. Ял көне булу сәбәпле, эшлекле очрашулар каралмаган, — дип сөйләде Лилия Галимова.