Рөстәм Миңнеханов Татарстанда тоталь чикләүләр нинди очракта кертеләчәген сөйләде

Татарстан Президенты Рөстәм Миңнеханов Республикада тоталь чикләүләр нинди очракта кертелергә мөмкин булуы турында сөйләде. Бу хакта ул узган киңәшмәдә хәбәр итте.
Чикләү режимын катгыйландырырга ниятләгән Мәскәү темасына кагылып, Рөстәм Миңнеханов билгеләп үткәнчә, Татарстанда мондый чараларны кертү әлегә планлаштырылмый. 
Әгәр республикада яшәүчеләр антиковид чараларны үтәмәсәләр, җитәкчелекнең, тоталь чикләүләрне кертүдән тыш, башка вариантлары калмаячак.
«Мәскәү тоталь чикләүләр кертергә планлаштыра. Без әлегә хәлне контрольдә тотабыз. Бездә андый планнар юк», - диде ул.