Өлкәннәр спартакиадасы

 “Яшьлек” спорт комплексында “Сәламәтлек бишьеллыгы” кысаларында пенсионерлар арасында спартакиада оештырылды. Ярышларга Мөслим районында гомер итүче өлкәннәр җыелды. Спорт уеннарына килгәннәрне ветераннар Советы рәисе Илгиз Низамов, район пенсионерлар советы рәисе Рөстәм Шәрипов, пенсия фонды җитәкчесе Фәридә Ганиева котладылар. Спортны үз итүчеләр шахмат, шашка, өстәл теннисы, дартс, йөгерү буенча ярышларда катнаштылар. Җиңүчеләргә спорт комплексының Мактау кәгазьләре, кубоклар, медальләр тапшырылды.