Өлкәннәр сәхнә тотты

Өлкән буын вәкилләренең тормыш сыйфатын яхшырту һәм алар өчен үсеш мохите тудыру — «Гаилә» милли проектының өстенлекле юнәлешләренең берсе. Бүген илебез буенча 13,5 миллионнан артык кеше «Актив озын гомер» программасы ярдәмендә спорт, иҗат һәм белем алу өлкәсендә үзенең чиксез мөмкинлекләрен ача.

Смотр-концерт әлеге программа кысаларында “Балкыш” фестиваленең сайлап алу этабы буларак узды. Смотр-концертта 150ләп номер күрсәтелде, шуларның 32се гала-концертка үтте. Тамашачылар ялгыз номерларны да, ансамбльләр чыгышын да яратып кабул итте. Унлап номер “Балкыш” фестиваленең 2 апрельдә узачак республика зона турына сайлап алынды. Фестиваль халык иҗатын популярлаштыру, өлкән буынның ялын оештыруны күздә тотып үткәрелә.

Фото – район хакимиятенең матбугат хезмәтеннән.