Мөслим сәнгать мәктәбендә ачык дәрес узды

Мөслим сәнгать мәктәбе өчен 13 февраль вакыйгаларга бай көн булды. Бүген рәсем сәнгате бүлегендә дә ачык дәрес узды. Тәҗрибәле укытучыбыз Илшат Ибрагимов скульптура фәне буенча "Балчыктан сыбызгылар ясау" темасына ачык дәрес күрсәтте. Иң элек, укучылар кызыл валчыктан ясалган уенчыклар белән, сыбызгыларның төрләре белән танышты. Соңыннан укучылар үз куллары белән кызыл валчыктан халык авыз иҗатының бер төре булган сыбызгыны ясап карадылар. Ачык дәрестә катнашучы рәсем сәнгате бүлеге укучылары да үзләрен бу өлкәдә сынап карадылар.