Мөслимлеләр – җиңүчеләр рәтендә
Бүген республика мәгариф системасы практик психологлары форумында «Школа#безОбид» бөтенроссия бәйгесенең региональ этабында җиңүчеләрне бүләкләделәр
Бөтенроссия конкурсы мәктәпләрдә уңай социаль-психологик климат формалаштыру өчен комплекслы профилактик чараларны гамәлгә ашыру тәҗрибәсен өйрәнү максатыннан оештырылды.
ТР Мәгариф һәм фән министрлыгыннан алынган мәгълүматка караганда, быелгы бәйгедә республикабызның 67 мәгариф учреждениесе катнашкан. Алар арасыннан 3 мәгариф учреждениесенә бүләк бирелде. Җиңүчеләр арасында Г.Тукай исемендәге Мөслим урта мәктәбе дә бар.
Мәктәптә социаль-псиологик климат булдыру тәҗрибәсе югары бәяләнеп, бәйгедә 2 нче урынны яулаган коллективны уңышлары белән котлыйбыз, тынгысыз хезмәтләрендә яңа үрләр телибез.
Фотолар - Мөслим урта мәктәбеннән.
Безнең телеграм каналга кушылыгыз! Телеграм-канал
Нет комментариев