"Мобильник" операциясе дәвам итә
ЮХИДИ хезмәткәрләре бу чорда шоферларның телефоннан файдалану белән бәйле кагыйдә бозуларына аеруча игътибар бирә.
Бүгенге көндә 8 райондашыбызга беркетмә төзелеп, һәрберсенә 1500 сум күләмендә штраф салынган. “Руль артында телефоннан сөйләшеп баручылар еш очрый. Бу юл-транспорт һәлакәтләренә, төрле күңелсез хәлләргә китерергә мөмкин. Чөнки руль артында телефоннан сөйләшү, смс хәбәр язышу һ.б. машина йөртүченең игътибарын нык киметә. Шофер юлдагы ситуацияне күз уңыннан ычкындыра, нәтиҗәдә авария килеп чыгу куркынычы арта, – ди районның ЮХИДИ җитәкчесе Айнур Хәйретдинов.
Руль артында телефоннан сөйләшү өчен махсус җайланмалар булырга тиеш. Мобильник операциясе 8 сентябрьгә кадәр дәвам итә.
Следите за самым важным и интересным в Telegram-каналеТатмедиа
Безнең телеграм каналга кушылыгыз! Телеграм-канал
Нет комментариев