“Мәк-2020” профилактик операциясе бара

“Мәк-2020” профилактик операциясенең 10 июльдән беренче этабы башланды. “Операция барышында наркотик үсемлек булган мәкнең кеше организмы өчен зыяны, мәк үстерүчеләрнең, әлеге үсемлек белән бәйле кыңгыр эшләрдә катнашучыларның юридик җаваплылыкка тартылуы турында аңлату алып барылачак. Законсыз төстә мәк үстерүчеләр, аны таратучылар турында белсәгез, район эчке эшләр бүлегенә хәбәр итүегез сорала”, – ди район эчке эшләр бүлеге оперуполномоченные Эльмир Шәймәрданов. Узган ел әлеге операция барышында бер җинаять эше ачылган, дүрт административ беркетмә төзелгән.