Мишустин инвалидларга коммуналь хезмәтләр буенча бердәм компенсация кагыйдәсен билгеләде

Россия Премьер-министры Михаил Мишустин илнең барлык төбәкләре өчен торак-коммуналь хезмәт түләүләренә компенсация алуның бердәм тәртибе турындагы карарга имза куйды. Бу ярдәм чарасы белән инвалидлар, хәрби хәрәкәтләр ветераннары һәм радиация яки техноген һәлакәтләрдән зыян күрүчеләр файдалана алачак, дип хәбәр итә Министрлар Кабинетының матбугат хезмәте.

Билгеләп үтелгәнчә, моңа кадәр бу социаль түләүне алу шартлары төрле хокукый актлар белән җайга салынган һәм төбәкләрдә төрлечә булган. Хәзер гаризаның бердәм формасы һәм ташламалар алу өчен документлар исемлеге билгеләнә. Аны түләү турында карар кабул итү срогы 10 эш көненнән артык булырга тиеш түгел.

Акча федераль бюджеттан бүлеп бирелә. Хакимиятнең төбәк һәм муниципаль органнары, төбәк һәм муниципаль бюджетлардан шундый ук чаралар билгеләгәндә, мондый компенсация түләү өчен өстәмә шартлар билгеләү хокукын саклап кала.

Бу хакта тулырак: https://tatar-inform.tatar/news/misustin-invalidlarga-kommunal-xezmatlar-buenca-berdam-kompensaciya-kagyidasen-bilgelade-5871724?utm_source=top

Фото "Татар-информ" архивыннан.