Мари халкы Күгечене каршы алды

Мари халкының Кугече бәйрәме – язгы календарь циклының төп бәйрәме. Ул пәнҗешәмбе көнне (Уярня (Масленица) бәйрәменнән соң җиде атна үткәч) билгеләп үтелә. Кугече - яз бәйрәме, җиргә - уңдырышлылык көче, хуҗалыкларга - муллык, гаиләләргә сәламәтлек иңү чоры.

Барлык мари халкын бу якты бәйрәм белән котлыйбыз!

Бу көн тынычлык, игелек һәм гаделлек тантанасына ышанычны ныгыта, мәхәббәт һәм татулыкны символлаштыра, барыбызны да традицион рухи кыйммәтләр нигезендә берләштерә, игелекле гамәлләр кылырга, мәрхәмәтлеккә, намус белән яшәргә этәрә.

 Бу көн сезнең йөрәкләрегезне туганнарыгыз һәм якыннарыгызның җылысы белән тутырсын, йортларыгызда тынычлык булсын. Бәйрәм сезгә сәламәтлек, бәхет алып килсен. Хыялларыгыз тормышка ашсын!

Мари милли-мәдәни иҗтимагый оешмасының җирле бүлеге