Кул күтәргән өчен
Хатынын кыйнаган өчен судта җавап бирәчәк.
Район прокуратурасы 66 яшьлек ир-атка карата җинаять эше буенча гаепләүне хуплап чыкты. Ул Россия Федерациясе Җинаятьләр кодексының 115 маддә 2 бүлеге “в” пунктында каралган җинаятьне кылуда гаепләнә (ягъни белә торып кеше сәламәтлегенә җиңелчә зыян салган).
– Тикшерү ачыклаганча, 2022нче елның 2 гыйнварында 16 сәгать тирәсендә гаепләнүче күршесенең өендә тормыш иптәше белән талаша. Конфликт вакытында гаепләнүче хатын-кызның күкрәк читлеге тирәсенә кухня пычагы белән бер тапкыр суга, – ди район прокуроры урынбасары Линар Әскаров.
Ир-ат үз гаебен тулысынча таныды һәм кылган гамәле өчен тәүбә итте.
Җинаять эше тикшереп карау өчен мировой судка җибәрелде, дип хәбәр итәләр район прокуратурасыннан.
Мөнирә Арсланова.
Следите за самым важным и интересным в Telegram-каналеТатмедиа
Безнең телеграм каналга кушылыгыз! Телеграм-канал
Нет комментариев