Күмәк эш берләштерә

1 апрельдән чисталык икеайлыгы башланды. Икеайлык дәвамында оешма-предприятиеләр үзләренә беркетелгән урамнарда да җыештыру, чистарту эшләрен алып барачак. Мәктәп укучылары бүген мемориаль комплекста соңгы карларны таратты, территориядәге чүпне җыештырды. Әйләнә-тирәбездә чисталык саклауга һәркем үз өлешен кертергә тиеш. “Төзекләндерү һәм яшелләндерү” унитар предприятиесе хезмәткәрләре көн дә урамнардагы каты көнкүреш калдыкларын, башка төр чүпне җыю белән мәшгуль. Чисталык икеайлыгына сез дә актив кушылыгыз!